Basurdea basa txerri bat da! Oso indartsua da, eta haren indarragatik eta letaginengatik errespetu handia sortzen badigu ere, oso animalia baketsua da, zaurituta dagoenean izan ezik, orduan oso basatia baita! Baso hostotsuetan bizitzea atsegin du. Gauez ibiltzeko ohitura du, egunez, berriz, berak lurrean zulatzen duen ohe moduko batean lo egitea gustatzen zaio. Ba al dakizu basurdearen oinatza nola ezagutu? Basurdeak apatxdun bi behatz ditu hanka bakoitzean! Horregatik da haren oinatza identifikatzen oso erraza!