Mokoa luzea eta laua duelako, ezpata baten tankerakoa, deitzen zaio horrela. Arrain handiak dira, eta lau metro luze izatera irits daitezke eta ia 200 kiloko pisua izatera. Oso arrain zalu eta indartsuak dira! Beste arrain batzuez elikatzen dira, eta pieza handiak direnean mokoarekin ebakitzen dituzte. Beren abiadura handiaz baliatzen dira ehizatzeko. Munduko ia ozeano guztietan bizi dira, nahiz ur beroagoak nahiago dituzten. Bizimodu bakartia gustatzen zaie eta bakarrik igeri egiten dute.